Velkomin á heimasíðu Knattspyrnufélagsins Víðis

Knattspyrnufélagið Víðir og Þróttur Vogum senda lið til leiks í bikarkeppni kvenna

Víðir Garði og Þróttur Vogum hafa ákveðið að senda sameiginlegt lið í bikarkeppni KSÍ undir merkjum Víðir/Þróttur V. 
Fram kemur í yfirlýsingu frá Víði/Þrótti að hugmyndin kviknaði fyrst þegar KSÍ fjölgaði um eina deild í meistaraflokki kvenna. Á dögunum hittust fulltrúar félaganna og ákveðið var að byrja á þátttöku í bikarkeppninni. Ef vel tekst til þá verður tekin ákvörðun hvort það sé grunnur til að byggja á fyrir næsta ár. 

„Félögin vilja efla kvennaknattspyrnuna á Suðurnesjunum þvi þar eru fullt af stelpum sem hafa lagt skóna a hilluna, eru í hléi frá knattspyrnu eða hafa flosnað upp úr liðunum sem fyrir eru og því viljum við láta reyna á þetta uppbyggilega verkefni í sameiningu að sögn Marteins Ægissonar framkvæmdastjóra Þróttar og Sólmundar Einvarðssonar formanns Víðis," segir í tilkynningunni. 

Meistaraflokkur kvenna hefur ekki verið starfræktur í Garði síðan 2005 (að undanskildu 2009 þar sem var spilað undir merkjum GRV) og verður þetta í fyrsta sinn sem Þróttur Vogum sendir lið til leiks í meistaraflokki kvenna. 

Aðilar sem langar til að taka þátt í þessu verkefni hvort sem er leikmenn eða sjálfboðaliðar er bent á að hafa samband við Sólmund hjá Víði í síma 867-7111 netfang solmundureatoutlook [dot] com eða Marteinn hjá Þrótti í síma 892-6789 netfang marteinnatthrottur [dot] net 

Read more: http://www.fotbolti.net/news/23-01-2018/vidir-og-throttur-v-senda-lid-til-leiks-i-bikarkeppni-kvenna#ixzz55H9WJJiD